މަހަށް ނިކުމެ އުޅެނިކޮށް މިޔަރެއް ހަމަލާ ދީފި

6 ޖޫން 2023

މަސްވެރިކަމަށް ނިކުމެ އުޅުނު މީހަކަށް މިޔަރެއް ހަމަލާ ދީފިއެވެ.

އުމުރުން 53 އަހަރުގެ އެމީހާ އަކީ ށ.ފޯކައިދޫ މީހެކެވެ.

މިރޭ 7:15 އެހާކަންހާއިރު ހިނގި މި ހާދިސާއާއި ގުޅިގެން އެމީހާގެ ފައިގެ ކުޑަކަޅުވާ މަސްގަނޑަށް ޒަހަމްތަކެއް ލިބިފައިވެއެވެ.

ބެލެވޭ ގޮތުގައި އެ މީހާއަަށް މިޔަރު ހަމަލާ ދިނީ މޫދަށް އެރި މަސްބާނަން އުޅެނިކޮށެވެ. ހާދިސާއާއި ގުޅިގެން އަނިޔާ ލިބުނު މީހާއަށް ފަރުވާ ދިނުމަށްފަހު، މިވަގުތު ދޫކޮށްލާފައެވެ.

މިފަހަކަށް އައިސް މިޔަރު ގިނަވެ، އޭގެ އުދަގޫތަށް އިތުރުވާ ކަމުގެ ޝަކުވާތައް މަސްވެރިންގެ ފަރާތުން އައުން ވަނީ އިތުރު ވެފައެވެ.